1. januar 2017 slo Høgskolen i Bergen, Høgskulen i Sogn og Fjordane og Høgskolen Stord/Haugesund seg saman og blei til Høgskulen på Vestlandet (HVL). Den nye høgskulen har fem campusar – i Sogndal, Førde, Bergen, Stord og Haugesund.

Sikt høgare! Gjer studietida til eit høgdepunkt: Fleire av studia våre blir vurderte til å vere blant dei beste i landet. Og vi har nokre av landets mest fornøgde studentar!

Korte avstandar mellom hybel, høgskule, studentaktivitetar og natur gjer at du får meir ut av døgnet som student ved HVL.

Noko av det studentane våre er mest fornøgde med, er den tette kontakten mellom lærar og student. Lærarane kan namnet ditt, og dørene er stort sett alltid opne dersom du lurer på noko. Dette er éin av mange fordelar med å studere ved ein mindre høgskule.

Eit passe tal studentar, rundt 2 000, gjer at det er lett å bli kjent med andre, og lett å engasjere seg.

På studenthuset Meieriet finn du kafé, pub, konsertarena og diskotek. Meieriet si speleliste gjennom eit semester er imponerande, og Vekao er eit høgdepunkt. Meieriet blir drive av Studentsamfunnet i Sogndal, som også har mange undergrupper du kan delta i, alt frå å booke band, syngje i kor til å stå i baren.

Naturopplevingane står i kø, enten du vil gå korte fjellturar eller ekstreme toppturar.

Og for deg som lurer på om du kan shoppe, gå på kaféar eller kino i Sogndal, så er svaret ja!