Voss gymnas er ein tradisjonsrik skule som nærmar seg 100 år. Den vart starta opp i 1916 og sjølve skulebyggningen stod klar i 1919. Skulen har vore i stadig utvikling og står no framfor ei omfattande utviding og modernisering.

Heilt sidan starten har Voss gymnas tilbydd undervisning i allmenne fag. I tråd med Kunnskapsløftet tilbyr skulen i dag ulike utdanningsprogram. Dette er studiespelsialisernande utdanningsprogram, med realfag, språk, samfunnsfag og økonomi, og idrettsfag, med breiddeidrett og toppidrett, og så har vi utdanningsprogram for musikk, dans og drama.

Dei elevane som vel musikk, dans og drama får noko kjennskap til dans og drama, men hovudvekta vil framleis liggje på musikkfaga.

Utdanningsprogram for idrettsfag har gradvis utvida tilbodet sitt. Innan breiddeidrett har vi fotball, handball og skileik, og på toppidrett har vi alpint, freestyle, langrenn og skiskyting.

Voss gymnas har omlag 350 elevar fordelt på dei tre studieretningane, og omlag 50 lærarar.

Skulen har vorte påbygd og modernisert fleire gonger, men det gamle, staslege hovudbygget inneheld framleis det meste av aktiviteten på skulen.

Fylkestinget har vedteke ny skulestruktur for dei vidaregåande skulane på Voss. I den samanhengen skal Voss gymnas moderniserast. Eit nybygg er tenkt kopla i saman med den gamle hovudbygningen. Etter utbygginga vil skulen ha om lag 800 elevar.