I Bø sto eit nytt skuleanlegg ferdig ved skulestart hausten 2003. Skulen har hovudinngang frå parkeringsplassen. Når du går inn der, kjem du inn i vrimlehallen der du finn informasjonstavle som viser kvar dei forskjellige romma er.

Ved avdelinga i Seljord fekk vi også nytt bygg hausten 2003. Bygget huser mellom anna rom for Media- og kommunikasjon, auditorium, bibliotek og arbeidsrom for lærarar.

I Nybygget finn du skulens nye bibliotek med eiga avdeling for sjølvstendig arbeid og PC-ar med internett-tilkobling. Her er det også arbeidsrom for lærarar. I første etasje finn du eit auditorum som har 34 sitteplassar. I underetasjen er det klasserom og spesialrom for Medium- og kommunikasjon. Alle rom i nybygget har ein N framfor romnummeret.

I teoribygget er det undervisningskjøkken i andre etasje. Her ligg også kantina og Stua, som blir brukt i samband med samlingar og møte. I første etasje er det undervisningsrom. Skulen har fått ein ny og større vestibyle der vi håper at elevar vil trivast i pausane. Vestibylen blir eit sentralt senter for informasjon på skulen. Der finn du oppslagstavler og informasjonsskjerm. Alle romma i teoribygget har ein T framfor romnummeret.

Utdanningstilbud ved skolen:
- Studiespesialisering
- Idrettsfag
- Media og kommunikasjon
- Restaurant og matfag
- Studiespesialisering med arbeidstrening
- Påbygging til generell studiekompetanse
- Innføringskurs for minioritetsspråklige