Vår visjon er: "Saman om læring og utvikling"
Hovudmålet for skulen:
Elevane skal få ei opplæring som legg best mogleg til rette for vidare utdanning og aktiv deltaking i familie-, arbeids- og samfunnsliv.

Strategiar for å arbeide mot den målsetjinga er mellom anna:
Best muleg opplæringsmiljø
Halde fokus på framtida
Vektlegg systematisk arbeid for kvalitets- og verksemdsutvikling
Elevmedverknad
Utvikle demokratisk sinnelag
Aktiv deltaking i utvikling av lokalsamfunnet

Best muleg arbeidsmiljø for dei tilsette. Skulen er nyopp-pussa og ligg fint til mellom idrettsanlegget og Høyangerbadet.

Ved Høyanger vidaregåande skule finn vi det svært viktig å legge vekt på alle tiltak som kan vere med på å fremme ein god skulekvardag for elevane. Trivsel og psykisk velvere for elevane har mykje å seie for deira individuelle utvikling og for deira læringsmiljø.

I denne planen vil vi signalisere kva vi meiner er viktig i arbeidet med miljøet på skulen, samstundes som vi i planen og vedlegga til den vil tilfredsstille dei krav som sentrale forskrifter set til skulen sin dokumentasjon av arbeidet med ulike sider ved eleven sitt miljø.

Utdanningstilbod ved skulen:
- Studiespesialisering
- Design og handverk
- Elektrofag
- Helse- og sosialfag
- Teknikk og industriell produksjon