Fræna vidaregåande skole er ein kombinert skole med mange utdanningsprogram. Fræna vgs står for kunnskap og trivsel i eit miljø prega av kvalitet og likeverd.  I dette ligg dei to hovudoppgåvene våre som skole. For det første gir vi dykk elevar god undervisning slik at de blir godt rusta til arbeidsliv og høgare studium. For det andre arbeider vi heile tida for å skape eit best mogleg læringsmiljø der alle de elevar trivst og kjenner at de blir sett og verdsett av alle i skolemiljøet uavhengig av føresetnadene dykkar.

Vi er og opptatt av at læring kan skje på ulike læringsarenaer. Derfor satsar vi på utplassering i det lokale næringslivet/bedriftbesøk for flest mogleg av klassane våre i løpet av skoletida. Vidare er vi opptatt av internasjonalisering både på studiespesialisering med eigen internasjonal klasse, men og på yrkesfag der elevane kan bli kjent med arbeidslivet i andre land.

Elevdeltaking er svært viktig for å halde ved like eit godt skolemiljø. Vi har derfor lagt til rette for at de skal få vere med å påverke læringsmiljøet på ein konstruktiv måte. Alle elevar er med på å bestemme korleis ein skal jobbe med dei ulike faga. I tillegg har vi tillitsvalde som dannar elevrådet ved skolen og eigne elevverneombod som skal sikre at læringsmiljøet fremjar både den fysiske og psykiske helsa til elevane. Elevrådet har eit godt samarbeid med skoleleiinga og elevane meiner at det gjer eit godt arbeid.

Utdanningsprogram ved skolen:
- Bygg- og anleggsteknikk
- Helse- og oppvekstfag
- Naturbruk
- Restaurant- og matfag
- Studiespesialisering
- Studiespes. - internasjonal
- Teknikk og industriell produkjson
- Tekniske og allmenne fag