Austrheim vidaregåande skule er ein kombinert skule med 7 ulike utdanningsprogram. Skulen vart sett i gong i 1978 som filial under Nordhordland yrkesskule, men vart alt frå hausten 1979 eigen skule. Skulen har vore spreidd på fleire leigde lokale, og frå starten med 5 klassar i 1978 har den vakse til 20 klassar i dag med 260 elevar.

Frå hausten 1989 kunne vi ta i bruk eige skulebygg. Diverre fekk vi ikkje plass til alle klassane då heller, og seinare er det kome til nye undervisningstilbod. Skulen må difor framleis leiga lokale i "Industribygget" for Køyrety Vg2, Industriteknologi Vg2, Restaurant og matfag og  Bygg- og anleggsteknikk. Vi har ein fin idrettshall på Årås til kroppsøvingsfaget.

Sjølv om ikkje alle elevane held til i det same bygget, så vonar eg at den store og trivelege kantina blir flittig brukt og såleis er med å sveisa elevflokken saman. Skulen si kantine har i alle desse åra vore ein naturleg samlingsstad for alle elevane ved skulen.

Vi ynskjer  å skapa ein god atmosfære og gjera vårt beste til at vi saman kan oppretthalda eit godt skulemiljø .

Også i år vil alle elevane på Vg1 (grunnkurset) får utlevert sin eigen bærbare PC som blir knytt opp til skulen sitt trådlause nettverk.  Å utnytta dette IKT-verktøyet på ein god og fornuftig måte i arbeidet med dei ulike faga er ei spanande utfordring både for elevane og lærarane. Det gir i alle høve ein god start på vegen mot ein ”digitalisert” skulekvardag slik styresmaktene har bestemt og skulen gjerne vil gjennomføra.

Utdanningstilbud ved skulen er:
- Tekniske allmenne fag
- Arbeidstrening
- Studiespesialiserande fag
- Teknikk og industriell produksjon
- Bygg- og anleggsteknikk
- Elektrofag
- Restaurant- og matfag
- Helse- og sosialfag